Posts filed under ‘រឿងខ្លី’

អ្នកមាន

ថ្ងៃនេះខ្ញុំបានសរសេររឿងខ្លីមួយ និយាយពីទឹកចិត្ត។ ខ្ញុំបានគំនិតរឿងមួយនេះនៅតាមផ្លូវមកធ្វើការ។ ថ្ងៃនេះមេឃក្ដៅខ្លាំងណាស់ ហើយពេលឈប់ស្ដុប ខ្ញុំឃើញពូម្នាក់លក់ឈូក ខ្ញុំគិតថា បើគាត់លក់អស់ តើគាត់ចំណេញបានលុយប៉ុន្មាន? បានស្មើនឹងខ្ញុំធ្វើការនៅកន្លែងម៉ាស៊ីនត្រជាក់មួយថ្ងៃទេ? ពេលនោះខ្ញុំមិនចង់ហូបផ្លែឈូកទេ តែខ្ញុំអាណិតគាត់ ខ្ញុំក៏ទិញ រួចខ្ញុំឱ្យទៅអ្នកសុំទាននៅជិតនោះ។ ខ្ញុំស្ដាយ ដែលជួយទិញគាត់តិចពេក មិនទាន់បានចូលការិយាល័យផង ខ្ញុំឱ្យសន្តិសុខយាមក្រុមហ៊ុនអស់។ កាលពីមុន ម៉ែខ្ញុំធ្លាប់និយាយថា កុំឈប់ធ្វើការ ប្រាក់ខែខ្ញុំប៉ុណ្ណឹងច្រើនហើយ ព្រោះគាត់ដើរលក់នំមួយថ្ងៃបានតែប៉ុន្មានពាន់រៀលប៉ុណ្ណោះ។ ខ្ញុំតែងតែនឹកឃើញម៉ែ នៅពេលខ្ញុំឃើញអ្នកលក់ចំណីនៅតាមផ្លូវ។ កាលពីតូចខ្ញុំក៏ធ្លាប់ទូលនំលក់ដែរ ហើយពេលគេមកទិញ ខ្ញុំត្រេកអរណាស់។ ទឹកចិត្តមួយនេះជម្រុញឱ្យខ្ញុំជួយទិញអ្នកលក់តាមផ្លូវ។ តាមពិតទៅ ពេលចូលទៅហាងថ្លៃៗ ឬផឹកកាហ្វេមួយកែវ៤ដុល្លារ ខ្ញុំគិតខ្លាំងណាស់ ព្រោះប្រាក់ប៉ុណ្ណេះអាចជាអាហារមួយថ្ងៃសម្រាប់មនុស្សមួយគ្រួសារ។ ម៉ែខ្ញុំគាត់ស្ដាយលុយណាស់ ហើយមួយរយៈនេះខ្ញុំក៏ចាយច្រើនដែរ ហេតុនេះខ្ញុំត្រូវកាត់បន្ថយការចាយជាមួយអ្នកមាន មកចាយជាមួយអ្នកក្រវិញ។

រឿងខ្លីមួយនេះ ខ្ញុំសរសេរជារូបភាពវីដេអូអប់រំ ហើយសង្ឃឹមថានឹងបានថតនៅថ្ងៃណាមួយ។

Microsoft Word - Document1

ខែ​មេសា 21, 2016 at 5:23 ល្ងាច បញ្ចេញមតិ

រឿងខ្លី ក្ដីស្រមៃ

ជាក្មេងកំព្រា មិនដឹងថារស់ដើម្បីអ្នកណា គ្មានអ្នកណាដែលត្រូវនឹកដល់ គ្មានក្ដីស្រមៃ បើជោគជ័យក៏គ្មានអ្នកណាចូលរួមជាមួយ… លក្ខខណ្ឌជីវិតរបស់ខ្ញុំគឺអន់ជាងអ្នកទាំងអស់គ្នាឆ្ងាយណាស់។ បញ្ហាកើតឡើងមិនឈប់ចំពោះមនុស្សឯកាម្នាក់នេះ។ កន្លងមកខ្ញុំព្យាយាមណាស់ ដើម្បីបានរស់ ដើម្បីបានរៀន ដើម្បីបានការងារ តែសង្គមគួរឱ្យខ្លាច មនុស្សអាត្មានិយម មិនចេះចែករំលែក គ្មានភាពស្មោះត្រង់ ហើយពួកគេហាក់ចង់ច្រានខ្ញុំឱ្យទៅឆ្ងាយ… ពេលនោះកម្លាំងចិត្តខ្ញុំចុះស្ទើរតែដល់សូន្យ តែមុននឹងខ្ញុំព្រមបញ្ចប់ ខ្ញុំចង់ធ្វើនូវអ្វីម្យ៉ាង… ខ្ញុំបានទៅដល់ភូមិមួយ មនុស្សម្នារស់នៅជាមួយធម្មជាតិ ហើយអ្វីដែលខ្ញុំបានទទួលពីពួកគេដំបូងនោះ គឺស្នាមញញឹមដ៏បរិសុទ្ធ។ ពួកគេមិនដឹងថាខ្ញុំជាអ្នកណា មកពីណា មានប្រវត្ថិយ៉ាងម៉េច តែពួកគេប្រហែលជាគិតថាខ្ញុំជាមនុស្សចេះដឹងម្នាក់។ ខ្ញុំសង្ឃឹមថាបានជួយអ្វីខ្លះដល់ពួកគេ មុនពេលដែលខ្ញុំទៅឆ្ងាយ។ ខ្ញុំក៏បង្រៀនអក្សរដល់ក្មេងៗ ជួយជាគំនិតផ្សេងៗដល់អ្នកភូមិ ប្រាប់ពីការថែទាំសុខភាព ជាអ្វីដែលពួកគេត្រូវការដើម្បី​រស់បន្ត។ ខ្ញុំក៏ចាប់ផ្ដើមទទួលអារម្មណ៍ថា ខ្លួនឯងមានប្រយោជន៍ ហើយទទួលបាននូវការស្រលាញ់រាប់អានពីមនុស្សជាច្រើន។ ខ្ញុំបានសម្រេចនូវក្ដីស្រមៃមួយដោយអចនា។ ម្ដងៗពេលគិតថាខ្លួនឯងមិនបានការ ក៏ចង់បាត់ខ្លួនពីផែនដីនេះ។ ឆាកជីវិតនេះពិតជាមិនងាយស្រួលមែន តែបើនៅតែគិតច្រើនក៏គ្មានប្រយោជន៍ ហេតុនេះត្រូវព្យាយាមធ្វើសកម្មភាពអ្វីម្យ៉ាងដើម្បីបង្ហាញពិភពលោកថា យើងនៅរស់។

ដោយ សុខ ចាន់ផល

ថ្ងៃទី១៧ កុម្ភៈ ២០១៦

(សង្ឃឹមថា ខ្ញុំអាចផលិតវីដេអូខ្លីពីសាច់រឿងមួយនេះនាពេលឆាប់ៗ)

12742261_10154083949683816_7689015191038879290_n

ខែ​កុម្ភៈ 17, 2016 at 5:37 ល្ងាច បញ្ចេញមតិ

យល់សប្ដិ

Nightmare front coverNightmare back coverជាសៀវភៅថ្មីរបស់ខ្ញុំ… គឺឱ្យតែចុងឆ្នាំ ខ្ញុំតែងតែធ្វើសៀវភៅមួយក្បាល ហេហេ សៀវភៅនេះនឹងធ្វើឱ្យអ្នកអាន​ឈឺក្បាលបន្តិចហើយ ហើយពិតជាត្រូវនឹង​មនុស្សចូលចិត្តគិតច្រើន គិតច្រើនដូចជាអ្នកនិពន្ធម្នាក់នេះ! 😉

Oh, មានកំណត់ហេតុនៅទីនេះ ក្នុងសៀវភៅដែរ!

ខែវិច្ឆិកា 22, 2013 at 6:40 ល្ងាច មតិ 2

Cambodia retakes place on the world literary stage

1378815_728083583884866_175502219_nCambodian writer Sok Chanphal was presented this week with the SEA Write Award for Cambodia, the first time in five years a Khmer writer has won the award.

Chanphal joined winners from the nine other ASEAN nations at a glittering ceremony in Bangkok to accept the award from Princess Maha Chakri Sirindhorn. The SEA Write Awards honour the best in Southeast Asian writing. With the inclusion of writers from Cambodia and Myanmar, this is the first time in 11 years that every ASEAN nation has been represented.

The awards, which have been running since 1979, coincide with Bangkok being recognised as the “2013 Book Capital of the World” by UNESCO.

The last Cambodian entry was Sin Touch in 2008, while Chanphal was the 11th in the award’s history.

After receiving the award, Chanphal, 29, seemed a little overwhelmed by the scale of the celebrations. “It is hard to describe, as this award is an honour and meaningful recognition for me to show the success of my . . . long writing career.

Especially, it is a very great honour and a beautiful experience in my life to be the first Cambodian for five years to win a SEA Write award, and also I’m the youngest awardee this year,” he said.

He continued: “Everything is the first time for me, but it’s a wonderful week, to feel part of the celebrations as an awardee. But I was quite nervous because I have to meet and face many people.”

Chanphal said that despite representing Cambodia, it is the art that is important for him, not his nationality. However, “I was proud of myself when I can stand as a writer from Cambodia, especially when I saw my national flag in the ceremony.”

He said the award is likely to be valuable in terms of experience in the future. “I’ve really enjoyed meeting the other awardees and, as a writer, I feel we have a lot in common. Sure, I am the youngest this year, so I feel a little as if the other writers are my father, mother, brother and sister.

“I’m a quiet person, but during the awards week I tried to talk with the other winners. They will come to visit me in Cambodia, and I’ll go to visit them too. It’s great for me to have many writers as my friends.” Chanphal foresees the award being helpful for all Cambodian writers and poets.

“I’m sure that with this valuable experience I have learned a lot to help other Cambodian writers. I’m also thinking to make a writer’s award here in Cambodia, if it’s possible.”

Chanphal has had three short stories published in English this year in Just a Human Being (Nou Hach, 2013) but has been winning awards since 2006. The SEA Write Committee praised the “existential, reflective quality” of his writing, while Teri Yamada, Professor of Asian Studies at California State University, part of the committee that chose Chanphal for the award called him “the best short fiction writer in Cambodia at this time”.

Thu, 17 October 2013 http://www.phnompenhpost.com/lifestyle/cambodia-retakes-place-world-literary-stage

Asean's top writersAsean’s top writers:

The 10 winners of this year’s Sea Write Award were given their prizes by Her Royal Highness Princess Maha Chakri Sirindhorn today at The Mandarin Oriental Hotel Bangkok
From left are Thai Ba Loi from Vietnam, Maung Sein Win from Myanmar, Soukhee Norasilp from Laos, Haji Hasri Haji from Brunei, Rebecca T Anonuevo-Cunada from the Philippines, Sok Chanphal from Cambodia, Linda Christanty from Indonesia, Yeng Pway Ngon from Singapore, Mohamed Ghozali Abdul Rashid from Malaysia and Angkarn Chanthathip from Thailand. This was the first time in 11 years that all 10 Asean countries were represented at the SEA Write Awards. http://www.nationmultimedia.com/life/Aseans-top-writers-30217055.html

IMG_0836

ខែតុលា 18, 2013 at 3:46 ល្ងាច មតិ 4

ដេញតុងតីនដណ្ដឹងប្រពន្ធ ផ្សាយនៅ Sabay

បទពិសោធន៍ពិតជាសំខាន់ រីឯកំហុសគឺជាមេរៀន… គួរតែបែបនេះ! ធំមកដល់ប៉ុនហ្នឹង ខ្ញុំធ្លាប់ធ្វើខុសច្រើនណាស់ (ខុសឥតល្ហែ) រៀនខុសជំនាញ រាប់អានមនុស្សខុស ធ្វើការខុសកន្លែង មានសង្សារខុស … ទាល់តែដេកគិត ទើបរៀបរាប់អស់ គ្រាន់តែប្រាប់ថាច្រើន ហើយដូចមិនទាន់ធ្វើអីត្រូវនៅឡើយទេ តែក៏ទទួលបានមេរៀនច្រើនតាមហ្នឹងដែរ ហេហេ

IMG_2756

នេះជារឿងខ្លីរបស់ខ្ញុំ ដែលផ្សាយនៅ Sabay ហើយពេលគេចុះអត្ថបទមួយនេះ ក៏មានមតិផ្សេងៗ ដែលភាគច្រើនផ្ដោតមកការងារសរសេរចម្រៀងរបស់ខ្ញុំទៅវិញ។ អានហើយ ខ្ញុំអន់ចិត្តខ្លាំងណាស់ គឺគេថាឱ្យខ្ញុំរឿងស្រុកខ្មែរចម្លងបទចម្រៀងបរទេស ទាំងដែលខ្ញុំតែងតែខំគិតសរសេរអត្ថន័យខ្លួនឯង ឡើងឈឺក្រពះ។ ខ្ញុំពិតជាឆ្ងល់មែន ហេតុអីក៏នៅតែមានអ្នកខ្លះមិនយល់? ហ៊ឺ… សមហេតុផលទេ មិនរករឿងអ្នកភ្លេង មិនរករឿងផលិតកម្ម មិនរករឿងក្រសួងវប្បធម៌ មិនរករឿងច្បាប់កម្មសិទ្ធិបញ្ញា បែរជាមករករឿងអ្នកនិពន្ធទំនុកច្រៀង? ពួកគេហាក់មើលរំលងការខំប្រឹងប្រែងរបស់ខ្ញុំទាំងស្រុង!

មិនលាក់ទេ គឺខ្ញុំពិបាកចិត្តព្រោះរឿងនេះអស់ជាច្រើនថ្ងៃ ប៉ុន្តែថ្ងៃនេះ មិត្តរួមការងារម្នាក់ក៏និយាយថា មានគេសរសេរមតិការពារខ្ញុំជាច្រើន… ខ្ញុំក៏ចូលទៅអានម្ដងទៀត! អានហើយរំភើបណាស់ ព្រោះដឹងថា ខ្ញុំមានអ្នកគាំទ្រ ហើយអ្នកគាំទ្រច្រើនជាងអ្នកមិនគាំទ្រឆ្ងាយណាស់ ពោលអត្ថបទមួយនោះមានអ្នក ចុច Like ៧០០ នាក់ ពី facebook គឺខ្ញុំគួរតែសប្បាយចិត្តវិញ! ខ្ញុំក៏សរសេរមតិមួយនៅអត្ថបទនោះ «ខ្ញុំពិតជារំភើបណាស់ ពេលបានអានមតិគាំទ្រខ្ញុំ! មិននឹកស្មានថា មានអ្នកតាមដានស្នាដៃខ្ញុំច្រើនយ៉ាងនេះសោះ។ មួយរយៈនេះ ខ្ញុំចេញបទចម្រៀងច្រើនពេក ទឹកដៃខ្ញុំប្រាកដជាធ្លាក់ចុះ ទោះខ្ញុំខំប្រឹងយ៉ាងណាក៏ដោយ តែអរគុណហើយដែលលោកអ្នកនៅតែផ្ដល់កម្លាំងចិត្តឱ្យខ្ញុំ។ មែនហើយ ខ្ញុំទទួលស្គាល់ថា បទចម្រៀងរបស់ខ្មែរបច្ចុប្បន្នភាគច្រើនចម្លងបទភ្លេងពីគេ តែសូមកុំបន្ទោសតែខ្ញុំ ព្រោះខ្ញុំគ្រាន់តែជាអ្នកសរសេរទំនុកច្រៀងប៉ុណ្ណោះ មិនមែនជាអ្នកនិពន្ធបទភ្លេងឡើយ។ ខ្ញុំក៏សង្ឃឹមដូចគ្នា ថាខ្មែរយើងអាចផលិតបទភ្លេងដោយខ្លួនឯងកាន់តែច្រើនជាងសព្ចថ្ងៃ! យ៉ាងណា ទោះបទភ្លេងចម្លង ក៏ខ្ញុំតែងតែខំរកន័យខ្លួនឯងមកសរសេរយ៉ាងលំបាក ហើយដោយឡែកចំពោះស្នាដៃរឿងខ្លី ឬក៏ប្រលោមលោករបស់ខ្ញុំ គឺជាស្នាដៃខ្ញុំពិតប្រាកដ មិនបានចម្លង ឬក៏បកប្រែផ្នែកណាមួយពីរឿងអ្នកណាទេ សុំកុំយល់ច្រឡំអី។

ចុងក្រោយ ខ្ញុំសូមអរគុណដល់អ្នកគាំទ្រគ្រប់គ្នា ហើយសុំទោសដោយស្មោះ ដល់អ្នកដែលមានអារម្មណ៍មិនល្អចំពោះខ្ញុំ។»

ខែ​មេសា 24, 2013 at 8:59 ល្ងាច មតិ 3

សង្សារ A B C

មាន​រឿង​ថ្មី ដាក់​ជូន​ប្រិយ​មិត្ត​អាន គឺ​ទើប​តែ​សរសេរ​កាល​ពីយប់​មិញ​នេះ​ឯង! ទើប​តែ​ដឹង​ថា បទ​និពន្ធ​ខ្លះ​កើត​ឡើង​ដោយ​សារ​អ្នក​និពន្ធ​ដេក​មិន​លក់ lol កុំ​ឱ្យ​ខាត​ពេល សូម​ជូន​រឿងៗៗៗៗៗៗ «សង្សារ A B C» ហេហេ

មក​ទល់​នឹង​ពេល​នេះ​ខ្ញុំ​សរសេរ​ទំនុក​ច្រៀង​ជាង​មួយរយ​បទ​ហើយ ទើប​គិត​ថា​គួរ​តែ​សរសេរ​រឿង​មួយ​ដែល​ទាក់​ទង​នឹង​អាជីព​មួយ​នេះ​ រួច​ក៏​យក​បទ​ចម្រៀង​ប៉ុន្មាន​បទ​មក​ធ្វើ​ជា​តួ​អង្គ​តែ​ម្ដង ហេហេ ម្យ៉ាង… មនុស្ស​បច្ចុប្បន្ន​​ចាប់​អារម្មណ៍​ស្ដាប់​ចម្រៀង​ជាង​អាន​រឿង។ ជា​ការ​ពិត​ណាស់ វិស័យ​តែង​និពន្ធ​​សៀវភៅ​រឿង​នៅ​ស្រុក​ខ្មែរ ​ហាក់​ដូច​ជា​កប់​បាត់​ទៅ​ក្នុង​ប្រវត្តិសាស្ត្រ មាន​អ្នក​និពន្ធ​រឿង​ថ្មី​ៗប៉ុន្មាន​នាក់​ប៉ុណ្ណោះ​ដែល​គេ​ស្គាល់ ហើយ​មាន​មនុស្ស​ដ៏​ច្រើន​អត់​ចាប់​អារម្មណ៍ ​នឹង​ការ​អាន​ប្រលោមលោក​សោះ ដូច​ឈ្មោះ​របស់​​ខ្ញុំ​អ៊ីចឹង ខ្ញុំ​ជឿ​ថា​មាន​ក្មេងៗ​ជា​ច្រើន​ស្គាល់​​ឈ្មោះ​ខ្ញុំ​ថា​ជា​អ្នក​និពន្ធ​ទំនុក​ច្រៀង ប៉ុន្តែ​ពួក​គេ​មិន​ដឹង​ថា ខ្ញុំ​ចេះ​សរសេរ​រឿង​ទេ។ ហេតុ​នេះ​ខ្ញុំ​សង្ឃឹម​ថា ពួក​គេ​អាច​គាំ​ទ្រ​ស្នាដៃ​សរសេរ​រឿង​របស់​ខ្ញុំ​ដូច​ដែល​ពួក​គេ​ចូល​ចិត្ត​ស្ដាប់​ទំនុក​ច្រៀង​របស់​ខ្ញុំ​ដែរ ពោល​គឺ​ខ្ញុំ​ចង់​ឱ្យ​​ពួក​គេ​រៀន​អាន ទន្ទឹម​នឹង​ខ្ញុំ​រៀន​សរសេរ។

និយាយ​អ៊ីចឹង តើ​មាន​មិត្តណា​ខ្លះ​មិនចូល​ចិត្ត​អាន​សៀវភៅ? ខ្ញុំ​មួយ ហេហេ ខ្ញុំ​ខ្ចិល​អាន​ផុត​លេខ​ហើយ តែ​ពេល​ក្លាយ​ជា​អ្នក​និពន្ធ​ក៏​រៀន​អាន ហេតុ​នេះ​ខ្ញុំ​គិត​ថា​ខ្ញុំ​អាច​យល់​ចិត្ត​អ្នក​មិន​ចូល​ចិត្ត​អាន​បាន​ខ្លះ… ដូច​ជា ​ព្រោះ​តែ​អ្នក​និពន្ធ​សរសេរ​ផ្លូវ​ការ​ពេក​មែន​ទេ? 😉 តួ​អក្សរ​ក៏​មាន​ជីវិត​ដែរ បើ​​អ្នក​និពន្ធ​ចេះ​រៀប​រាប់ ពួកវា​នឹង​រស់​រវើក ពេល​គេ​អាន​ទៅ​គឺ​ប្រៀប​ដូច​​កំពុង​មើល​កុន 3D អ៊ីចឹង​ ហេហេ មាន​ហេតុផល​មួយ​ទៀត ដែល​ខ្ញុំ​មិន​ចូល​ចិត្ត​ទិញ​សៀវភៅ ព្រោះ​ខ្វះ​លុយ​ហ្នឹង​ណា៎! បែប​នេះ​ពេល​នេះ​មិន​បាច់​ទិញ​សៀវភៅ​ក៏​អាចអាន​បាន​ដែរ ព្រោះ​សម័យ​ជឿន​លឿន​ទៅ​ហើយ ឱ្យ​តែ​ប្រើ​អ៊ីនធើណេត តើ​មែន​ទេ? ងាយណាស់ ពេល​ឃើញ​រូប​សៀវភៅ គ្រាន់​តែ​ចុច​លើ​វា​ទៅ ទំព័រ​សៀវភៅ​ក៏​ហោះ​មក​ឱ្យ​យើង​អាន ខ្លាច​តែ​យើង​ខ្ចិល​អាន​តើ! នេះ​​គេ​ហៅ​ថា​ E-Book តើ​មិត្ត​ភក្តិ​របស់​អ្នក​ធ្លាប់​អាន​សៀវភៅ​អនឡាញ​បែប​នេះ​ឬ​នៅ? បើ​នៅ​ជួយ​ប្រាប់​ពួក​គេ​ផង​ណា ប្រាប់​ថា​ពួក​គេ​នឹង​ចូល​ចិត្ត!

ខែមករា 27, 2012 at 6:11 ល្ងាច មតិ 12

ពិព័រណ៍សៀវភៅនៅកម្ពុជា (២៥-២៧ វិច្ឆិកា ២០១១)

នេះជាការពិព័រណ៍សៀវភៅ លើកទី១ រៀបចំដោយបណ្ណាល័យជាតិ! តើអ្នកចូលចិត្ត​សៀវភៅ​ទេ? អ៊ីចឹង​កុំ​ភ្លេច​ទៅ​ចូល​រួម​ណា៎! 😀 ខ្ញុំក៏​នឹងចូល​រួម​តាំង​សៀវភៅ​ចំនួន​បី​ក្បាល ស្នាដៃ​ខ្ញុំ​ដែរ៖

ស្នេហាសុភាពបុរស

I have written some novels, but i decided to publish it first coz i really love it… It’s awesome, my readers said, and this make me proud.

ខ្ញុំមិនទាន់បាន​សរសេរ​ភាគបន្ត​នៅ​ឡើយ​ទេ តែ​សង្ឃឹម​ថា មិត្ត​អ្នកអាន​នឹង​រង់​ចាំ​បាន! ​រឿង​នេះ​ទទួល​បាន​ការ​គាំទ្រ​ច្រើន​ដែរ ពិត​ជា​អរគុណ អរគុណ អរគុណ! 😉

ខែរងា

The second novel after Gentleman’s Love You will see how is winter in Cambodia… Do you like winter?

ពេលនេះ​គួរតែដល់​ខែរងាហើយ មិន​សូវ​ត្រជាក់​ទេ តែ​មាន​ខ្យល់​បក់​រវិចៗ​រាល់​ព្រឹក ហេហេ នេះ​ជា​ប្រលោមលោក​ដ៏គួរ​ឱ្យ​ស្រលាញ់ ពិសេស​បើ​​អាន​ក្នុង​ខែ​រងា។ កើត​ចេញ​ពី​អារម្មណ៍​ស្រណោះ​ខែរងា ទើប​ខ្ញុំ​សរសេរ​រឿង​នេះ។

ចង្កៀងនិទានរឿងខ្មោច

This about some short stories and also my life.

ជីវិតពិតផ្ដល់សម្ពាធឱ្យខ្ញុំណាស់ តែខ្ញុំបានរកឃើញសេរីភាពវិញ ពេលបានក្លាយជាអ្នកនិពន្ធរឿងប្រឌិត។ នេះជា​សៀវភៅ​ចុង​ក្រោយ ដែល​ខ្ញុំ​បាន​ចេញ​ផ្សាយ ហើយ​កំពុង​គិត​ថា ចាំ​មាន​លុយ ចាំ​បោះពុម្ព​សៀវភៅ​ថ្មី​​។ នៅ​សល់​រឿង​ជា​ច្រើន​ទៀត ដែល​ខ្ញុំ​បាន​សរសេរ​ចប់ មុន​ពេល​ខ្ញុំ​ធ្វើ​ការ​ជា​អ្នក​និពន្ធ​ទំនុក​ច្រៀង។

ខែវិច្ឆិកា 24, 2011 at 5:45 ល្ងាច មតិ 6

អត្ថបទ​ចាស់​ជាង​នេះ​


កម្ពុជា-CAMBODIA

ប្រកាសថ្មីៗ

ចំណាត់ក្រុម

ស្នាដៃ

Blog Stats

  • 177,665 hits
Visit Cute-Spot.com!