ចេះមើលមនុស្សនៅហ្នឹង?

ខែ​ឧសភា 31, 2016 at 4:34 ល្ងាច បញ្ចេញមតិ

មនុស្សល្អ មាននិស្ស័យឆាប់ជឿគេ ងាយនឹងត្រូវគេបោកប្រាស់ ដល់តែគេបោកច្រើនដងក៏ទៅជាខ្លាចមនុស្ស ខូចចិត្ត ផ្លាស់ប្ដូរការគិត ឈប់ជឿអ្នកដទៃ និងមើលលោកក្នុងផ្លូវអាក្រក់ តែបើយើងរឹងមាំនឹងសេចក្ដីល្អហើយ យើងក៏មិនឱ្យអ្នកណាផ្លាស់ប្ដូរយើងបានដែរ។ ចូរប្រើបញ្ញា ចេះបែងចែកសខ្មៅ ដើម្បីកុំឱ្យមនុស្សអាក្រក់អូសទាញយើងបានឱ្យសោះ។ ចូរជឿថា ក្នុងលោកនេះពិតជាមានមនុស្សល្អ ព្រោះយ៉ាងហោចណាស់ក៏មានយើងម្នាក់កំពុងធ្វើជាមនុស្សល្អដែរ។ ជឿទេថា មនុស្សដែលមិនជឿថាគេល្អ គឺដោយសារគេបានយកសារជាតិខ្លួនឯង មកវិនិច្ឆ័យលើអ្នកដទៃ។ ចំណុចមួយនេះ ខ្ញុំចង់ចែករំលែកពីការមើលមនុស្ស៖

តើចេះមើលមនុស្សនៅហ្នឹង?

13346865_10154386447398816_8837616258808309190_n

វាលែងជាអាថ៌កំបាំងទៀតហើយ បន្ទាប់ពីមានបទពិសោធន៍ប៉ុន្មានដង ហើយខ្ញុំនឹងប្រាប់ពីរបៀបមើលមនុស្សបានយ៉ាងងាយស្រួលបំផុត។ ប្រហែលជាដឹងហើយថា មានតែយើងខ្លួនឯងទេ ទើបស្គាល់ខ្លួនឯងច្បាស់ជាងគេ ហើយអ្នកដទៃក៏ដូចគ្នាដែរ។ ចង់ដឹងថាគេជាមនុស្សយ៉ាងណា ចូរស្ដាប់ពីអ្វីដែលគេនិយាយពីអ្នកដទៃប្រាប់យើង។ ជឿទៅ គេមិនដែលស្គាល់ស៊ីជម្រៅពីមនុស្សដែលគេកំពុងតែនិយាយនោះទេ តែគឺគេកំពុងតែនិយាយពីខ្លួនរបស់គេទៅវិញ។ អ្នកដែលមកប្រាប់យើងថា បុគ្គលណាម្នាក់ចូលចិត្តនិយាយដើមគេ គឺគេកំពុងតែប្រាប់យើងថា គេខ្លួនឯងជាមនុស្សបែបនោះ។

ខ្ញុំធ្លាប់ប្រាប់គេថា អ្នកឯងទន់ខ្សោយណាស់ ឆាប់ជឿគេណាស់ ហើយខ្ញុំក៏ភ្ញាក់ខ្លួនថា ខ្ញុំបានដឹងពីចំណុចនេះច្បាស់ដោយសារនេះគឺជាចំណុចរបស់ខ្ញុំ។ ខ្ញុំនៅតែពិចារណាមិនយល់ពីមនុស្សដែលមាននិស្ស័យច្រណែនឈ្នានីសគេ បើទោះជាខ្ញុំព្យាយាមរកហេតុផលឱ្យគេយ៉ាងណាក៏ដោយ ក៏នៅតែឆ្ងល់ថា ម៉េចក៏គេអាចធ្វើឱ្យអ្នកដទៃឈឺចាប់ ដោយគ្មានចិត្តអាណិត ហើយបែរជាសប្បាយចិត្តលើគំនរទុក្ខអ្នកដទៃទៅវិញ?

អ្នកខ្លះបន្ទោសខ្ញុំថា ខ្ញុំចង់ធ្វើអ្វីមួយតែមួយឆាវៗ ហើយប្ដូរផ្លាស់ច្រើន។ អ្នកខ្លះនិយាយអាក្រក់ពីអ្នកដទៃប្រាប់ខ្ញុំថា អ្នកនោះជាមនុស្សខ្សែលើ ជាមនុស្សពិសពុល រហូតដល់ខ្ញុំខ្លាច ឬស្អប់អ្នកនោះ ទាំងមិនដែលទាក់ទងគ្នាសោះ។ ក្រោយមក ការពិតក៏បានបង្ហាញ ហើយអ្វីដែលពួកគេប្រាប់ខ្ញុំ ខ្ញុំក៏បានឃើញថាគឺពួកគេទេតើ ជាមនុស្សបែបនោះ។ មនុស្សល្អ កម្រនឹងវិនិច្ឆ័យអ្នកណាប្រាប់យើងណាស់ ព្រោះគេតែងតែមើលអ្នកដទៃក្នុងផ្លូវល្អ តែក៏មិនដល់ថ្នាក់ល្ងង់ដែរ ហើយពេលមួយគេក៏កើតមានបញ្ញា រួចក៏ក្លាយជាមនុស្សចេះដឹងម្នាក់។

ខ្ញុំគិតថា មនុស្សអាក្រក់ជាមនុស្សល្ងង់ និងភ្លើបំផុត។ មនុស្សអាក្រក់តែងតែច្រណែនអ្នកដទៃ ព្រោះអ្វី? ព្រោះគេល្ងង់ មិនអាចធ្វើបានល្អដូចមនុស្សពូកែ ពោលសមត្ថភាពមិនឈ្នះក៏កើតគំនិតរកវិធីយកឈ្នះ។ មនុស្សអាក្រក់ភ្លើ មិនអាចមើលដឹងថាអ្នកណាល្អ អ្នកណាអាក្រក់ទេ ហើយគេនឹងធ្វើឱ្យមនុស្សល្អៗបាត់ទំនុកចិត្ត ចេញឆ្ងាយពីគេ ចុងក្រោយក៏សល់តែមនុស្សអាក្រក់ៗដូចគ្នានៅក្បែរ បង្កើតជាសង្គមឆ្កែចចក។

សរុបមក ទង្វើអាក្រក់មិនមែនកើតដោយបញ្ញាទេ តែបញ្ញានឹងធ្វើឱ្យមនុស្សធ្វើអំពើល្អ។ #សុខចាន់ផល

Entry filed under: ទស្សនវិជ្ជា, អារម្មណ៍. Tags: .

ការគិតលើកដំបូង ស្រលាញ់ការងារឱ្យច្រើនជាងចង់បានលទ្ធផល

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

Trackback this post  |  Subscribe to the comments via RSS Feed


កម្ពុជា-CAMBODIA

ប្រកាសថ្មីៗ

ចំណាត់ក្រុម

ស្នាដៃ

Blog Stats

  • 173,203 hits
Visit Cute-Spot.com!

%d bloggers like this: