ពាក្យមួយឃ្លាដែលមិនបាននិយាយ…
ខែមីនា 20, 2010 at 11:41 ព្រឹក មតិ 49
ក្នុងលោកនេះ រឿងខ្លះមិនអាចយល់… មិនអាចយល់សូម្បីតែដួងចិត្តខ្លួនឯង… ពេលវេលាក្បែរគ្នាប្រៀបដូចផ្សែង តែជាផ្សែងតែងរសាត់តាម…
កាលណោះ …ខ្ញុំ ^^ (មិនមែនខ្ញុំ ផល ទេ) 🙂 …ខ្ញុំទៅរៀនភាសាជប៉ុន… ច្រឡំ! គឺ កូរ៉េ ទេ រៀនច្រើនភាសាពេកអ៊ីចឹង តែខ្ញុំជួបនាងនៅក្នុងថ្នាក់រៀនភាសាកូរ៉េ… រៀនកូរ៉េ ចេះច្បាស់ជាងគេ គឺ SA-RANG-HE-YO និយាយទៅខ្ញុំមាននិស្ស័យនឹងនាងណាស់ ហើយក៏ស្គាល់គ្នាទៅ រួចអង្គុយតុជាប់គ្នា…
ខ្ញុំស្រលាញ់ នាង… តែខ្ញុំអៀនណាស់ អត់ចេះញ៉ែស្រីសោះ 😛 ចង់និយាយភាសាកូរ៉េដែលទើបតែរៀនចេះប្រាប់នាងថា ខ្ញុំស្រលាញ់នាង តែអត់ហ៊ាននិយាយ។ ស្គាល់លេខទូរស័ព្ទនាងហើយ ក៏មិនហ៊ានតេ ឬផ្ញើសារទៀត។ ទាល់តែថ្ងៃមួយនោះ 😆 នាងទូរស័ព្ទមកខ្ញុំ… សង្ស័យនាងយកលេសមិនមករៀនដើម្បីខ្ចីសៀវភៅខ្ញុំហើយ មើល៍ទៅ 😀
ខ្ញុំ ពិតជាចូលចិត្តនាង ចង់នៅជាមួយនាង… ចាំបានកាលថ្ងៃមួយនោះ នាងអត់មានម៉ូតូជិះទៅផ្ទះ ក៏សុំឱ្យខ្ញុំជូននាង… តែម៉ាក់ខ្ញុំទូរស័ព្ទហៅ ថាប៉ាខ្ញុំសន្លប់… នាងក៏ប្រាប់ថា មិនអីទេ នាងជិះម៉ូតូឌុបក៏បានដែរ…
ពាក្យដែលខ្ញុំចង់ ប្រាប់នាងនោះ មិនទាន់បានប្រាប់នៅឡើយទេ… តែនាងក៏លែងមករៀនកូរ៉េ ខ្ញុំទូរស័ព្ទទៅសួរក៏មិនចូល… គឺខ្ញុំបាត់រូបនាងតាំងពីថ្ងៃនោះ…
ខ្ញុំនឹកនាង នឹក នឹក នឹកគ្រប់ពេល ហើយខ្ញុំក៏យកសៀវភៅដែលនាងធ្លាប់ខ្ចីខ្ញុំនោះ មកបើកមើលម្ដងមួយទំព័រៗ… ខ្ញុំស្រមៃឃើញកាយវិការដែលនាងបើកសៀវភៅនេះ… រួចក៏… 😥
នាង គ្មានថ្ងៃដឹងថា ខ្ញុំស្រលាញ់នាងប៉ុណ្ណាទេ… នាងគិតថា ខ្ញុំមិនចាប់អារម្មណ៍លើនាង… នាងខ្មាសខ្ញុំ ក៏គេចមុខពីខ្ញុំជារៀងរហូត…
ពាក្យមួយឃ្លាដែលខ្ញុំចង់ប្រាប់នាង ក៏ជាពាក្យមួយឃ្លាដែលនាងចង់ប្រាប់ខ្ញុំ តែពួកយើងមិនបាននិយាយវាចេញមកទេ… ខ្ញុំបានដឹងថា នាងក៏ស្រលាញ់ខ្ញុំដែរ នៅពេលបានឃើញតួអក្សររបស់នាងសរសេរថា SA-RANG-HE-YO នៅក្នុងសៀវភៅខ្ញុំនោះ…
ហេតុអ្វីទើបឃើញពេលនេះ…?
Entry filed under: ចម្រៀង.
49 មតិ Add your own
ទំលាក់ មួយចំលើយតប ទៅ រតនា បោះបង់ការឆ្លើយតប
Trackback this post | Subscribe to the comments via RSS Feed
1. lundi | ខែមីនា 20, 2010 ម៉ោង 1:44 ល្ងាច
ហេតុអ្វីទើបពេលនេះ ចាន់ផល់ហ៊ាននិយាយពាក្យថា SA-RANG-HE-YO ទៅវិញ..!!!!
2. ភារ: | ខែមីនា 20, 2010 ម៉ោង 8:27 ល្ងាច
ព្រោះពេលនេះ គាត់បានឃើញ តួអក្សររបស់នាងសរសេរថា …… នៅក្នុងសៀវភៅគាត់នោះអី 😀
3. នាយធី | ខែមីនា 21, 2010 ម៉ោង 4:01 ល្ងាច
គួរឱ្យស្តាយជំនួសបងផលមែនទែន…គ្រាន់តែពាក្យមួយឃ្លាក្នុង
បេះដូងសោះក៍មិនអានហាប្រាប់ចំពោះនារីដែលខ្លួនស្រលាញ់
បាន ទាំងដឹងថានាងក៍មានចិត្តចំពោះខ្លួនដែរ។ ទីបំផុតសល់ត្រឹម
ប្រយោគមួយឃ្លាជាចំលើយក្នុងដួងចិត្ត ដែលនាងបានចារក្នុង
សៀវភៅ របស់បុរសយើង។ ប្រសិនបើបងផលមានឱកាសបាន
យល់វង់ភ័ក្រ្តនាងម្តងទៀត តើបងផលអាចប្រើពាក្យមួយឃ្លានោះ
ម្តងទៀតនៅចំពោះមុខនាងបានទេ? បងសារភាពទៅថាបង
ស្រលាញ់នាង។…ហា!ហា! ខ្ញុំនិយាយលេងទេ..កុំប្រកាន់ខ្ញុំអីណា។
ការពិតទៅខ្ញុំក៍ជាប្រុសម្នាក់ដែលនិស្ស័យដូចនេះដែរ។ យ៉ាប់
ណាស់រឿងលួចស្រលាញ់ស្រី តែស្តីមិនចេញ បានត្រឹមលួច
ស្នេហ៍លួចទុក្ខ ដូចចំរៀងរបស់អធិរាជសម្លេងមាស
សុិនសុីសាមុត បែបហ្នឹងឯង។នេះជាសារជាតិមនុស្សប្រុស
ដែលចូលចិត្តតាំងខ្លួនជាសុភាពបុរស…។ ឱ្យតែសុភាពបុរស
ដូចនេះចុះ មុខតែនៅកំលោះចាស់រហូតហើយ..ហាស!ហា!
និយាយអីចឹង នេះជាបទនិពន្ធក្នុងអាល់បុ៑មថ្មីមែនទេបងផល?
តើមានទំនុកច្រៀងរបស់បងប៉ុន្មានបទដែរ? សូមឱ្យបងមាន
សំណាងល្អនិងសុខភាពល្អណា…៕
4. ចាន់ផល | ខែមីនា 21, 2010 ម៉ោង 4:20 ល្ងាច
ឥឡូវខ្ញុំឮថានាងចេញទៅប្រទេសក្រៅបាត់ហើយ! អត់បាននិយាយមួយជីវិតហើយ… 😥 ហាសហា និយាយលេងទេ! មិនមែនរឿងពិតរបស់ខ្ញុំទេណា៎!
5. ចាន់ផល | ខែមីនា 21, 2010 ម៉ោង 4:46 ល្ងាច
យប់មិញខ្ញុំគេងស្ដាប់ចម្រៀងចេញថ្មីដល់ម៉ោង ២ កន្លះ ព្រឹក ។ ចូលចិត្តពីរវ៉ុលថ្មីនេះណាស់ គឺមានអត្ថបទរបស់ខ្ញុំ ៨ បទ ពាក្យមួយឃ្លាដែលមិនបាននិយាយ, ស្រលាញ់គ្រប់យ៉ាងរបស់អូន, ព្រោះយើងជាមិត្ត, ចាំខ្លួនឯងភ្លេចគេ, ឈឺចាប់ពីរនាក់, កុំប្រាប់ឱ្យបងស្រលាញ់នាង, ប្រាប់ឱ្យដឹងខ្លួន, នៅក្បែរបង Please! 😆 យប់មិញនេះមានអារម្មណ៍លង់នឹងស្នាដៃខ្លួនឯង ស្ដាប់ហើយស្ដាប់ទៀត ហើយគិតខ្លួនឯងថា បទដែលខ្ញុំតែងមានពាក្យពេចន៍បញ្ជាក់សាច់រឿងបានច្បាស់ណាស់ ហើយយល់តែខ្លួនឯងថា ពេលនេះខ្ញុំក្លាយជាអ្នកនិពន្ធទំនុកច្រៀងម្នាក់ពិតប្រាកដហើយតើ! 😀
6. ក្មេងទំនើង | ខែមីនា 21, 2010 ម៉ោង 7:20 ល្ងាច
ពិរោះដល់ហើយពូ បទ ព្រោះយើងជាមិត្ត! ធ្វើឲ្យខ្ញុំយំ នឹកដល់ពួកម៉ាកញុមអស់ទឹកភ្នែកច្រើនណាស់ 😥 នឹកពួកម៉ាកញុមមែនទែន! បែកគ្នាជិត ២ឆ្នាំហើយ
7. ចាន់ផល | ខែមីនា 22, 2010 ម៉ោង 12:48 ល្ងាច
😀 បទហ្នឹង ខ្ញុំដាក់ជាសំឡេងទូរស័ព្ទរោទ៍របស់ខ្ញុំទៀតហ្ន៎! ស្ដាប់តែចម្រៀងស្នេហាច្រើនពេក អាចធុញតើ ព្រោះមនុស្សកើតមកមិនមែនដើម្បីតែរឿងស្នេហាមួយមុខឯណា? តែកុំប្រាប់គេត ដឹងតែអ្នកណាបានអានបានហើយណា 😉 បទ «ព្រោះយើងជាមិត្ត» នេះ ប៊ិះតែមេអត់ព្រមយក គឺគាត់ឱ្យខ្ញុំសរសេរន័យថ្មី និយាយពីស្នេហាហើយតើ តែខ្ញុំទៅបន្ទប់គាត់យឺតពេក គាត់ក៏ឱ្យអ្នកចម្រៀងទៅ… ហេងវិញ ដែលទៅយឺត!
ទម្រាំតែបានសរសេរបទន័យប្លែកៗពីរឿងរ៉ាវស្នេហាម្ដងៗ មិនងាយទេ ព្រោះទីផ្សារយុវវ័យ គេមិនត្រូវការ តែខ្ញុំឆ្លៀតសរសេរបានប៉ុន្មានបទដែរហើយ ចម្រៀងនិយាយពីជីវិត ពីការតស៊ូ ហើយបើមានឱកាស ខ្ញុំនឹងសរសេរចម្រៀងនិយាយពីជាតិទៀត!
8. ក្មេងទំនើង | ខែមីនា 22, 2010 ម៉ោង 12:56 ល្ងាច
រង់ចាំស្តាប់ណាពូ! សុំអាបទណាដែលស្តាប់ហើយ ស្រក់ទឹកភ្នែកមកច្រោកៗម៉ង 😥 បើសិនជាមានពេល សុំឲ្យពូឯងតាសេបទស្នេហាណាដែលកម្សត់ជាងគេមួយបទមើល ញុមអផ្សុក ចង់យំលេង ^_^
9. ចាន់ផល | ខែមីនា 22, 2010 ម៉ោង 1:18 ល្ងាច
សរសេររួចហើយ ចាំតែយំលេងទៅ! អត្ថបទចម្រៀងខ្ញុំអត់ទាន់ចេញលក់ នៅប្រមាណ៥០បទទៀតណោះ អាកម្សត់បែបណាក៏មានដែរ… មានមួយបទនោះ ច្រៀងសុំស្លាប់ដើម្បីមនុស្សដែលខ្លួនស្រលាញ់តែម្ដង… «សុំទោស នៅស្រលាញ់អូន…» 😥
10. ក្មេងទំនើង | ខែមីនា 22, 2010 ម៉ោង 4:12 ល្ងាច
ប្រាប់គេឲ្យឆាប់ចេញម៉ោពូ ញុមចង់យំលេង 😥
11. សុភា | ខែមីនា 22, 2010 ម៉ោង 7:16 ល្ងាច
ចាន់ផលផ្ញើរបទព្រោះយើងជាមិត្តអោយខ្ញុំស្តាប់ផងបានរ៉េ។ មិនមែនមិនចង់ទិញឌីសទេ តែអត់សម្ថភាពទិញហ្មងណឹង។
12. ចាន់ផល | ខែមីនា 23, 2010 ម៉ោង 10:28 ព្រឹក
Yes! but tell me your mail address sen na! ^^
13. Navy | ខែមីនា 22, 2010 ម៉ោង 6:59 ព្រឹក
Great job paoun Phal!
14. Narak | ខែមីនា 22, 2010 ម៉ោង 10:50 ព្រឹក
I love this song very much ” Sarang he chea peak mouy klea del i chong tell neang….” so romantic nas.
15. Narak | ខែមីនា 22, 2010 ម៉ោង 10:51 ព្រឹក
oh! how many song u write my brother?
16. ចាន់ផល | ខែមីនា 22, 2010 ម៉ោង 11:21 ព្រឹក
There are my 8 lyrics in Vol.407 & 408 😀 Read my comment above tau!
17. kooms | ខែមីនា 22, 2010 ម៉ោង 1:02 ល្ងាច
អត់ខ្លាហានសោះសុផល!
18. ចាន់ផល | ខែមីនា 22, 2010 ម៉ោង 1:20 ល្ងាច
😉
19. nimol | ខែមីនា 22, 2010 ម៉ោង 10:12 ល្ងាច
ជារឿងដែលសោកស្ដាយអស់មួយជីវិត … ឱកាសមិនមានចេះតែមាននោះទេ។ ជីវិតជាជម្រើស និង ការសម្រេចចិត្ត។ ការស្ទាក់ស្ទើរ អាចធ្វើឲ្យចុកឈាម។
20. ភារម្យ | ខែមីនា 23, 2010 ម៉ោង 12:38 ល្ងាច
រក disk មកស្តាប់សិនមុននឹងបញ្ចេញមតិ!
21. ចាន់ផល | ខែមីនា 23, 2010 ម៉ោង 5:02 ល្ងាច
ខ្ញុំចង់ដាក់ចម្រៀងមួយបទនេះ ឱ្យអ្នកទាំងអស់គ្នាស្ដាប់ក្នុងពេលនេះ! តែខ្ញុំអត់ចេះប្រកាស mp3 ទេ 😉 មានអ្នកណាអាចជួយបង្រៀនខ្ញុំបានទេ? ជួយប្រាប់ខ្ញុំយកតែបុណ្យទៅ!
22. nimol | ខែមីនា 26, 2010 ម៉ោង 12:55 ល្ងាច
សួស្ដី សុផល នេះគឺជាកូដ [audio mp3url] ឧទាហរណ៍
[audio http://nimol.webng.com/70crocodile.mp3%5D
ចំពោះចំរៀងគឺខ្ញុំអាប់ឡូដ ដាក់ក្នុង webng.com
23. nimol | ខែមីនា 26, 2010 ម៉ោង 12:57 ល្ងាច
[audio http://nimol.webng.com/70crocodile.mp3%5D
ភ្លេចបិទ ]
24. kimlong | ខែមីនា 25, 2010 ម៉ោង 2:04 ព្រឹក
បងអាចសួរបញ្ញាបាន ពីរឿងនេះ ! ព្រោះខ្ញុំធ្លាប់ស្តាប់បទចំរៀងនៅក្នុងប្លករបស់បញ្ញា ! 🙂
25. ចាន់ផល | ខែមីនា 25, 2010 ម៉ោង 9:52 ព្រឹក
បញ្ញាគេភ្ជាប់ទៅទំព័រថ្មីមួយទៀតហ្នឹង…
26. kimlong | ខែមីនា 25, 2010 ម៉ោង 2:10 ព្រឹក
ឥលូវនិយាយទៅ ! អត់មានពីណាថាអីទេ ! 😀 😛
27. ចាន់ផល | ខែមីនា 25, 2010 ម៉ោង 9:56 ព្រឹក
វិចារនៅម៉ោង ២ យប់ផង! អត់គេងពួនទេអ្ហី ថ្មើរហ្នឹងហើយ?
28. នាយធី | ខែមីនា 25, 2010 ម៉ោង 9:32 ព្រឹក
បងផលចង់ដាក់ mp3 ក្នុងប្លក់បងមែនទេ? អីចឹង..បងគួរUpload
ចូលក្នុង Website ៈhttp://www.divshare.com ប៉ុន្តែបងគួរRigester
វាជាមុនសិន ហើយបន្ទាប់ពីនោះបងអាចUpload គ្រប់ចម្រៀងដែល
ដែលបងពេញចិត្ត ហើយបងអាចShare វាចូលទៅក្នុងប្លក់របស់បង
ដោយការCopy Embed mp3 & paste ចូលក្នុងកន្លែងដែលបងចង់
ប្រកាសMp3ក្នុងប្លក់ណា៕
29. ចាន់ផល | ខែមីនា 25, 2010 ម៉ោង 9:58 ព្រឹក
អូហ៍! អរគុណណាស់ ចាំបងសាក ក្រែងអាចអួតចម្រៀងចេញថ្មីៗដែលបងតែង នៅទីនេះ 😀
30. ចាន់ផល | ខែមីនា 25, 2010 ម៉ោង 11:25 ព្រឹក
ខ្ញុំ Upload ក្នុងវេបសាយនោះបានហើយ តែអត់ចេះធ្វើឱ្យចេញរូបសម្រាប់ស្ដាប់នៅកន្លែងនេះនៅឡើយ។ យ៉ាងណា អរគុណ សុធី ខ្លាំងណាស់!
31. នាយធី | ខែមីនា 25, 2010 ម៉ោង 1:20 ល្ងាច
បាទ..ប្រសិនបើបងបានUpload វារួចរាល់ហើយ សូមបងClick ត្រង់
កន្លែងdashboard នៅលើMenu bar របស់វ៉េបសាយ ហើយបន្ទាប់
មក បងស្វែងរកAudio files ដែលបងបានUpload ហើយClick លើវា
ដូចនេះវានឹងបង្ហាញបងនូវFile Mp3 ហើយប្រសិនបើបងចង់បើករឺ
playណា1នោះ បងអាច Click លើវា។ ហើយប្រសិនបើបងចង់share
file mp3 នោះ បងអាចស្វែងរកត្រង់កន្លែងShare/Embed Option ហើយចែករំលែកវាដោយការ select& copy :Embed mp3 ហើយpaste វាចូលក្នុងប្លក់របស់បងទៅណា៕
32. ចាន់ផល | ខែមីនា 26, 2010 ម៉ោង 6:10 ល្ងាច
ខ្ញុំអាចដាក់ចម្រៀងនេះឱ្យអ្នកស្ដាប់បានហើយ! 😀 អរគុណជាពិសេស ដល់ សុធី ណារដ្ឋ និង និមល ដែលបានជួយបង្ហាត់ខ្ញុំ ទាល់តែខ្ញុំពូកែបែបនេះ! គឺមតិអ្នកទាំងបីសំយោគចូលគ្នាបានខ្ញុំចេះ! 😆
33. ណារ៉ាក់ | ខែមីនា 27, 2010 ម៉ោង 11:57 ព្រឹក
ញ៉ុមឆ្ងល់ថា ហេតុអ្វីបទដែលបងតែង សុទ្ឋតែបទដែលញុមស្រលាញ់? តារាដែលញ៉ុមចូលចិត្តបំផុត គឺបងរាជ ចំរៀងវ៉ុលហ្នឹង មានបទបងរាជ ច្រើនណាស់ “កុំប្រាប់ឲ្យបងទៅស្រលាញ់នាង” ញ៉ុមស្រលាញ់ណាស់ ស្រលាញ់រហូតម៉ាង៉ៃស្តាប់ ជិត20ដងឯណោះ គិតទៅអង្គាល ញ៉ុមដូចបងផលណ៎?
34. ចាន់ផល | ខែមីនា 27, 2010 ម៉ោង 12:04 ល្ងាច
ដូចយ៉ាងម៉េច? ចង់ក្លាយជាអ្នកនិពន្ធទំនុកច្រៀងដែរ?
35. ណារ៉ាក់ | ខែមីនា 27, 2010 ម៉ោង 12:10 ល្ងាច
ចង់! ចង់មែនទែនហ្នឹងណា! តែអត់ពូកែតែង! គិតថាបើញ៉ុមចេះតែង ញ៉ុមតែងចំរៀងពិរោះៗឲ្យបងរាជ ឲ្យច្រើនៗ ព្រោះសំលេងគាត់ ពិរោះ ច្រៀងបទណាក៏ញ៉ុមចូលចិត្តដែរ!
36. រតនា | ខែមីនា 27, 2010 ម៉ោង 7:26 ល្ងាច
ចូលចិត្តស្ដាប់បទហ្ឹងដែរទាស់អ្នកតែងឌឺពេក ehehe 😛
37. ចាន់ផល | ខែមីនា 27, 2010 ម៉ោង 7:32 ល្ងាច
អូហ៍! ស្កាត់តាំងពី facebook មក គ្រាន់តែចង់និយាយប៉ុណ្ណឹងទេ?
38. rainbowpig | ខែមីនា 28, 2010 ម៉ោង 3:37 ព្រឹក
បទពិរោះតើ។ ស្តាប់បីបួនប្រាំដងម៉ាភ្លែត។ សំលេងប៉ាយ៉ារិទ្ធពិរោះត្រូវនឹងបទចំរៀងនេះតែហ្មង។
39. ជីវិតអមតៈ | ខែមីនា 28, 2010 ម៉ោង 6:20 ល្ងាច
តើបទនេះបកប្រែពីបទចម្រៀងការ៉េមែនទែ???
40. ចាន់ផល | ខែមីនា 29, 2010 ម៉ោង 9:27 ព្រឹក
បទនេះសម្រួលតន្ត្រីពីបទកូរ៉េ តែអត្ថបទចម្រៀង គឺសរសេរដោយខ្ញុំ អត់បកប្រែពីសាសន៍ណាទេ!
41. ជីវិតអមតៈ | ខែមីនា 30, 2010 ម៉ោង 12:43 ល្ងាច
ពិតជាពិរោះប្រកបដោយមនោសញ្ចេតនាមែន។
អរគុណច្រើន
42. ចាន់ផល | ខែមីនា 30, 2010 ម៉ោង 12:48 ល្ងាច
You are welcome 😀
43. រដ្ឋ | ខែមេសា 1, 2010 ម៉ោង 6:41 ល្ងាច
អ្នកសុភាពបុរសពេកចឹងអែងគ្រាន់តែអាពាក្យសារ៉ាំងស្អីគេហ្នឹង យូរទិចបានហ៊ាននិយាយ តែសម្រាប់អ្នកមិនមែនសុភាពបុរសវិញណា(ព្រាន) ងាប់ហើយ ប្រាប់បានច្រើនគ្នាហ្មង ។ 😀 ផ្ដាំតគ្នាផង កុំសុភាពពេក ប្រយ័ត្នអត់…
44. nimol | ខែមិថុនា 7, 2010 ម៉ោង 2:50 ល្ងាច
ចេញខារ៉ាអូខេបទនេះហើយ! តែសម្ដែងអន់មែនទែន (សុំទោសដែលនិយាយត្រង់) តែមិនមែនមកពីអ្នកសម្ដែងទេ គឺមកពីអ្នកដឹកបទហ្នឹងតែម្ដង។ តើគាត់ស្ដាប់បទនេះមិនយល់ឬ? តើគាត់មិនអាចធ្វើឲ្យមនោគតិនិងការស្រមើស្រមៃរបស់អ្នកនិពន្ធក្លាយជារូបភាពរស់រវើកនៅលើកញ្ចក់វីដេអូទេឬ?
និយាយមែនទែនទៅ ពេលខ្ញុំស្ដាប់បទនេះ ដោយមិនមានរូបភាព (audio cd) ធ្វើឲ្យអារម្មណ៍ខ្ញុំអណ្ដែតអណ្ដូងស្រមៃឃើញរូបភាពកាលជាសិស្សសាលា … ការលួចស្រលាញ់ ខ្មាសអៀន …
តែពេលខារ៉ាអូខេចេញមក ទៅសម្ដែងចូលសណ្ឋាគារឯណាឆ្កុយ… គ្មានត្រូវបរិបទបន្ដិចសោះតែម្ដង។ (ចាំទំនេរ ចាំខ្ញុំសរសេរទៀត)
45. ញ៉ុមអាមុខឌឺ :D | ខែមិថុនា 7, 2010 ម៉ោង 9:25 ល្ងាច
គាំទ្រនិមល។ ញ៉ុមសុំនិយាយតាមត្រង់ចុះ ម៉ាអ្នកដឹកនាំសំដែងនៅហង្សមាសទាំងអស់ ទីតូយ៉ាប់ជាងគេហើយ។ មិនថាបទអាម៉េចក៏ដោយ ឲ្យតែថាអារាងកំសត់តិចនឹង គាត់ថតនៅសណ្ធាគារបានទាំងអស់ @_@ មិនមែនបង្អាប់អីទេ តែគ្រាន់តែចង់រិះគន់ក្នុងន័យស្ថាបនា សង្ឈឹមថាបងផលជួយប្រាប់គាត់ផង!!! បទច្រើនហើយដែលគាត់ថតនៅអូតែលសៀមរាប បទណាក៏អ្នកចំរៀងយកទេសភាពអូតែលធ្វើជាbackgroud ហើយឲ្យតួសំដែងអង្គុយញ៉ាំអីដែរ។ ញ៉ុមមើលឡើងទ្រលន់ ដល់ថ្នាក់ឃើញឈ្មោះអ្នកដឹកនាំសំដែង ចង់skipបទនឹងចោលហ្មង ព្រោះអត់ចង់ឲ្យខូចអារម្មណ៍ដែលធ្លាប់មាននឹងបទនឹង។ បើគាត់គ្រាន់តែដឹកនាំរបៀបនឹង ណាគេគ៏ដឹកនាំថតkaraokeបានដែរ(@)__(@)
you know what he said on facebook? “don need to do your best even people don like it” T_T when i saw this status, i was like what the hell???? if you’re not happy to direct the MV, just leave it. i rather never see the video clip and feel good with the song forever than see you toy around with this good and meaningful song T_T អាណិតគ្នាខំនិពន្ធពបទល្អល្អផង។
46. ក្មេងទំនើង | ខែមិថុនា 10, 2010 ម៉ោង 12:39 ល្ងាច
និយាយត្រូវចិត្តមែនទែនអ្នកទាំងពីរនៀក ត្រូវចិត្តម៉ាច់ៗតាម៉ង
ថ្ងៃមុនមើល MV ឃើញបទពូផល តែទៅជាដាក់ឈ្មោះអ្នកផ្សេងវិញ… 😆
47. រចនា | ខែមិថុនា 8, 2010 ម៉ោង 11:36 ព្រឹក
អរគុណអ្នកទាំងពីរដែលជួយនិយាយពាក្យក្នុងចិត្តខ្ញុំចេញមក!
@បងចាន់៖ តែហ៊ានលុបខំមិនហ្នឹងចេញទៀត ប្រយ័ត្នបាត់ខ្លួន 👿
48. ចាន់ផល | ខែមិថុនា 9, 2010 ម៉ោង 4:10 ល្ងាច
តាមពិតខ្ញុំក៏អន់ចិត្តណាស់ដែរ តែអន់ចិត្តមិនស្មើទំនុកច្រៀងដែលខ្ញុំសរសេរ គេច្រឡំដាក់ឈ្មោះអ្នកនិពន្ធផ្សេងទេ។ ខ្ញុំស្អប់អ្នកធ្វើការងារខ្ជីខ្ជា។ ខ្ញុំសម្លឹងមនុស្សនៅជុំវិញខ្លួន ហើយគិតថា តើមានមនុស្សប៉ុន្មាននាក់ដែលឱ្យតម្លៃវិជ្ជាជីវៈរបស់ខ្លួន និងអ្នកដទៃ? រួចក៏បារម្ភពីធនធានមនុស្សនៅស្រុកខ្មែរ។ មនុស្សល្ងង់គ្រប់គ្រងមនុស្សចេះ មនុស្សខ្ជីខ្ជាធ្វើមេមនុស្សហ្មត់ចត់។ ខ្ញុំចង់និយាយឱ្យគេផ្លាស់ប្ដូរណាស់ តែពេលខ្លះយល់ថា តើនិយាយធ្វើអី បើគ្មានអ្នកណាចេះស្ដាប់ន័យខ្ញុំផង។
49. ចាន់ផល | ខែមិថុនា 21, 2010 ម៉ោង 3:51 ល្ងាច