ថ្ងៃ​ដែល​ប្អូន​ជីដូន​មួយ​ខ្ញុំ​ក្លាយ​ជា​កូន​ក្រមុំ

ខែ​មីនា 8, 2010 at 12:54 ល្ងាច មតិ 11

គឺប្អូន​ស្រី​ជីដូន​មួយ​របស់​ខ្ញុំ (ម្ដាយ​មីងខ្ញុំ​បង្កើត) នាង​ឈ្មោះ កន្និកា ជា​ក្មេងស្រី​ដ៏​ស្អាត ស្មោះត្រង់ ស្លូតបូត តែ​រាង​ខ្ជិល​បន្តិច…

យាយ​ខ្ញុំ​ស្លូត​ណាស់ មិន​ចេះ​ស្អប់ ឬ​រក​រឿង​អ្នកណា​ទេ គឹ​គាត់​កាត់​តាម​ខ្ញុំ… អត់​ទេ​! គឺ​ខ្ញុំ​កាត់​តាម​គាត់!

យប់​ថ្ងៃ​រៀបការ យាយ​ដាស់​នាង​ ឱ្យ​ក្រោក​តែង​ខ្លួន… អាណិត​ណាស់ មើល​មុខ​ចុះ គ្នា​ដេក​អត់​ទាន់​ឆ្អែត​ទេ… ប្អូន​ខ្ញុំ​ខុស​ពី​កូន​ក្រមុំ​គេ​ផ្សេង​ទៀត គឺ​មិន​មែន​​ថ្ងៃ​រៀបការ អរ​ពេក ទាល់​តែ​គេង​មិន​លក់​អី​ទេ នេះហ៍​បើ​មិន​ដាស់​ពីរ​បី​ដង គឺ​នាង​គេង​អត់​ដឹង​មេឃ​ភ្លឺ​ឡើយ!

ពួក​គាត់​គឺ​ជា​ម្ដាយ​មីង​របស់​ខ្ញុំ (តាមពិតទៅ​ខ្ញុំ​ហៅ​តែ​អ៊ីៗ​ទេ!) តែ​ក្មេងតូច​នោះ​មិន​មែន​មីង​ទេ គឺ​កូន​ស្រី​មីង មើល​មុខ​គេ​ចុះ កំប្លែង​ខ្លាំង​ណាស់!

ឃើញ​​កូន​ក្រមុំ​ស្អាត​​ពេក កូន​កំលោះ​ឡើង​ញ័រ​ដៃ ធ្វើ​ឱ្យ​ជាង​ថត​បង្អាប់​លាន់! កូន​កំលោះ​ជា​អ្នក​ស្រុក​ខ្ញុំ​ដែរ ហើយ​រៀន​មុន​​ខ្ញុំ​ពីរ​ឆ្នាំ មាន​ចរិត​សុភាព​ស្លូត​បូត​ត្រឹម​ត្រូវ ក៏​​ចេះ​​រក​ស៊ី​​បាន​កាក់កប​គ្រាន់​បើ​​ដែរ។

មើល​ក្មេងៗ​គេ​ឈ្លោះ​គ្នា! សុទ្ធតែ​ប្អូន​ជីដូន​មួយ​ខ្ញុំ​ទេ ហើយ​ពីរ​នាក់​ហ្នឹង​ឆ្នាស់​ដូច​គ្នា។ មួយ​ចង្អុល​គេ​ហ្នឹង​ជា​ប្អូន​ស្រី​កូន​ក្រមុំ ពូកែ​ច្រណែន​បង​ស្រី​​វា​ណាស់ រួច​ចង់​តែ​ឈ្នះ​គេ តែ​​​រៀន​ពូកែ​​ ខ្ញុំ​ឮ​តែ​បាន​លេខ​មួយ​រហូត។

ម្ដាយ​មីង​ខ្ញុំ​ និង​ពូ​ថ្លៃ​ ចង​ដៃ​កូន​ប្រុស​ស្រី

អ្នក​ផាត់​មុខ​​ឱ្យ​កូន​ក្រមុំ​ហ្នឹង​ពូកែ​ ហើយ​កូន​ហ្នឹង​ជា​ខ្ទើយ​ទេ តែ​​ប្រហែល​​​​បន្លំ​ធ្វើ​ជា​ភេទ​ទី​៣ ដើម្បី​បាន​ប៉ះពាល់​ខ្លួន​ស្រីៗ​ក៏មិន​ដឹង!

មិន​ដឹង​ថា​ពេល​ហ្នឹង​ខ្ញុំ​និយាយ​ស្អី​ទេ! ​មើល​ទៅ​ធម្មជាតិ បើ​ឱ្យ​ខ្ញុំ​ដឹង​ថា​គេ​លួច​ថត ប្រាកដ​ជា​ខំ​រៀប​ចំ​ខ្លួន មិន​ធម្មជាតិ​អ៊ីចឹង​ទេ!

ឃើញ​គេ​ស្លៀក​រូប​ពណ៌​ដូច​ក្រណាត់បូ​អ៊ីចឹង​ ក៏​ឱ្យ​ឈរ​ក្បែរ ថត​មួយ​ទៅ!

ប្អូន​ជីដូន​មួយ​ក្រមុំ! ធ្លាប់​ទៅ​​​ថត​ម៉ូដ​ខោអាវ​នៅ ឡារ៉ែន ម្ដង​​នឹង​គេ​ដែរ តែ​​កាត់​តាម​ខ្ញុំ អារឿង​មិន​ចេះ​ទំនាក់ទំនង អ្នក​ខ្លះ​គេ​ថា​វាយ​ឫក តែ​វាយ​ឫក​ស្អី​វា គឺ​វា​មិន​ដឹង​និយាយ​ស្អី​ជាមួយ​គេ! ពេល​ទស្សនាវដ្ដី​​ចេញ​លក់ គេ​ឱ្យ​ទៅ​យក ក៏​អត់​ទៅ​យក… ស្រលាញ់​សិល្បៈ​ដែរ តែ​អត់​ក្លាហាន​សោះ!

ថត​ជុំ​បងប្អូន​ជីដូន​មួយ តែ​បាត់​បី​នាក់ ម្នាក់​ទើបតែ​ឆ្លង​ទន្លេ​កូន​ស្រី​បាន​មួយ​ខែ ​ម្នាក់​ទៀត​រវល់​ទៅ​ចាំ​ផ្ទះ​នៅ​ក្រចេះ ឯម្នាក់​ទៀត​កំពុង​តែ​រៀបការ!

មិន​ដែល​បាន​ឃើញ​ប្អូន​តែង​ខ្លួន អ៊ីចឹង​ចេះ​តែ​ចង់​ថត​​ទុក​មើល! ខ្ញុំ​ធ្លាប់​គិត​ថា កូន​ក្រមុំ​ក្នុង​ថ្ងៃ​រៀប​ការ ផាត់​ម្សៅ​ក្រាស់ៗ មើល​ទៅ​កាច​ណាស់ តែ​មុខ​​ប្អូន​ខ្ញុំ​នៅ​តែ​ស្លូត​ដដែល។

បើ​រាប់​ត្រឹមត្រូវ នាង​មិន​ទាន់​គ្រប់​១៦​​ឆ្នាំ​ទេ។ នាង​គឺ​ជា​ប្អូន​ជីដូន​មួយ​ដ៏​តូច​របស់​ខ្ញុំ ​ទៅ​រៀន​សុខៗ​ក៏​មាន​គេ​ចូល​ដណ្ដឹង ហើយ​ក៏​រៀបការ… កន្និកា ស្មោះត្រង់​ណាស់ ជា​ក្មេង​មិន​ដែល​ស្គាល់​អី​ហៅ​ថា​សង្សារ​ទេ ក៏​នៅ​ចូល​ចិត្ត​លេង​ល្បែង​កូន​ក្មេង អាច​និយាយ​ថា​អត់​ទាន់​ដឹង​ខ្យល់​អី​ទេ ម្ហូប​មួយ​មុខ​ក៏​មិន​ទាន់​ចេះ​ធ្វើ​ដែរ។ ចាស់ៗ​ប្រាប់​ខ្ញុំ​ថា ពេល​គេ​ចូល​ដណ្ដឹង អ៊ី​​ខ្ញុំ​ប្រាប់​ខាង​ប្រុស​ថា កូន​គាត់​នៅ​ក្មេង​ពេក អត់​ទាន់​ចេះ​ធ្វើ​ការងារ​ផ្ទះ​ផង​ តែ​ខាង​ប្រុស​តប​ថា គេ​មិន​មែន​ដណ្ដឹង​យក​ទៅ​ឱ្យ​ធ្វើ​ការ​នោះ​ទេ រួច​គាត់​ក៏​សួរ​ចិត្ត​កូន​ស្រី​គាត់ ហើយ​ប្អូន​ស្រី​ខ្ញុំ​បែរ​ជា​អត់​ប្រកែក ទើប​គ្រប់​គ្នា​យល់​ថា គឺ​ជា​គូ​ព្រេង​របស់​នាង​។ ខ្ញុំ​ហួស​ចិត្ត​បន្តិច តែ​​​ក៏​គិត​ថា​ប្រហែល​ដូច​ចាស់ៗ​គិត​ហើយ។

ចាំ​បាន​កាល​ខ្ញុំ​ទៅ​ស្រុក​លើក​មុន គូដណ្ដឹងបាន​ទិញ​ក្រវិល​ផ្ញើ តែ​​ប្អូន​ខ្ញុំ​ធ្វើ​ធម្មតា ដូច​អត់​ចង់​ទទួល​យក​ទេ ហើយ​គេ​មិន​ដែល​​​សម្លឹង​មុខ​គូ​ដណ្ដឹង​គេ​ទេ តែ​ក៏​មិន​មែន​អៀន​អី​ដែរ គឺ​ចរិត​កូន​ហ្នឹង​ធម្មតាៗ​ បើ​ចាស់ៗ​ប្រាប់​ថា គូដណ្ដឹង​​មក​លេង ឱ្យ​ចេញ​ទៅ​ទទួល​ នាង​ក៏​ទៅ​អង្គុយ​ឱ្យ​គេ​មើល​មុខ រួច​ចូល​ក្នុង​វិញ​ធ្វើ​មិន​ដឹង។ មែន​ហើយ! តាំង​ពី​តូច​មក​កូន​នេះ​មិន​មែន​ជា​មនុស្ស​លោភលន់​ទេ ហើយ​ចិត្ត​ល្អ ពូកែ​អាណិត​គេ។ នឹក​ឃើញ​កាល​ពី​ប៉ុន្មាន​ឆ្នាំ​មុន ពួក​យើង​មក​លេង​បុណ្យ​អ៊ុំទូក​នៅ​ភ្នំពេញ​​​ជាមួយ​គ្នា ពីរ​នាក់​បងប្អូន​គឺ​ជា​អ្នក​ស្រែ​ចូល​ក្រុង​ ភ្លើៗ​ដូច​គ្នា​ហ្មង… ហ៊ើយ! ដេក​នៅ​ផ្ទះ​បងប្អូន​ក្បែរ​វិមាន​ឯករាជ្យ ហើយ​ខ្ញុំ​ចង់​នាំ​ប្អូន​ទៅ​លេង​ផ្សារ​សូរិយា ក៏​បបួល​គ្នា​ដើរ​ទៅ ព្រោះ​គ្មាន​លុយ​ជិះ​ម៉ូតូ​ឌុប តែ​ដើរៗ​ឃើញ​ស៊ីក្លូ​ក៏​នឹក​ចង់ជិះ រួច​ក៏​ជួប​តា​ធាក់​ស៊ីក្លូ​ម្នាក់​ចិត្ត​ល្អ ប្រាប់​ពួក​ខ្ញុំ​ថា​ឱ្យ​ប៉ុន្មាន​ក៏​បាន​ដែរ ចាំ​តា​ជូន​ទៅ​ដល់​ផ្សារ​ដើរ​លេង​ឱ្យ​សប្បាយ​នឹង​គេ។ លុះ​ទៅ​ដល់​ផ្សារ​ ពួក​យើង​ជូន​លុយ​តា​ស៊ីក្លូ​ដៃ​ពីរ ហើយ​អរគុណ​គាត់ ដែល​​លុយ​នោះ​គឺ​ច្រើន​តាម​លទ្ធភាព ព្រោះ​ពីរ​នាក់​យើង​ឃើញ​គាត់​ប្រឹង​ធាក់​ នឹក​អាណិត​គាត់​ខ្លោច​ចិត្ត​ទៅ​ហើយ។ បន្ទាប់​ពី​ចូល​ផ្សារ​រួច ពួក​យើង​ក៏​ដើរ​ទៅ​លេង​​មាត់​ទន្លេ… នឹក​ឡើង​អាណិត​ប្អូន​ណាស់​ខ្ញុំ ដើរ​ជា​មួយ​ខ្ញុំ​ឡើង​ហើម​ជើង​ក៏​មិន​រអ៊ូ​មួយ​ម៉ាត់ អត់​អី​ញ៉ាំ​ក៏​មិន​ខ្វល់​ ឱ្យ​តែ​បាន​មើល​បុណ្យ​អ៊ុំទូក។ អត់​ចាំ​ថា ពួក​យើង​មាន​លុយ​ប៉ុន្មាន​ឡើយ​ គ្រាន់​តែ​ចាំថា ពួក​យើង​មិន​ហ៊ាន​ទិញ​អី​ញ៉ាំ​ទេ ចាំ​ថា​​​ញ៉ាំ​​ទឹកកក​ព្រិល​ម្នាក់​មួយ​កែវ​ តែ​ក៏​​ឆ្ងាញ់ និង​​ដើរ​លេង​បាន​​សប្បាយ​ណាស់​។ ពេល​នេះ​កូន​ក្មេង​ម្នាក់​នោះ​បាន​រៀប​ការ​ហើយ។

ជូនពរ​ប្អូន​ឱ្យ​ជួប​តែ​សុភមង្គល​​ក្នុង​ជីវិត!

Advertisements

Entry filed under: កម្សាន្ត.

កំណត់ហេតុ​ «Be Strong!» fIRE made me feel nothing

11 មតិ Add your own

  • 1. សេរីបណ្ឌិត  |  ខែ​មីនា 8, 2010 ម៉ោង 4:02 ល្ងាច

    ចុះ​កាល​ណា​បាន​ដល់​វេន​បង​ផល ????
    កុំ​ភ្លេច​ខ្ញុំ​ណា
    ទៅ​ផឹក​ឱ្យ​ណាណី​ម្ដង ….

    ឆ្លើយតប
    • 2. ចាន់ផល  |  ខែ​មីនា 8, 2010 ម៉ោង 4:30 ល្ងាច

      ខ្ញុំ​ចាំ​ឱ្យ​អ្នក​លួច​ស្រលាញ់​ខ្ញុំ​រៀបការ​អស់​សិន ខ្លាច​ធ្វើ​បាប​ចិត្ត​គេ ហេហេ គិត​តែ​រឿង​ផឹក​ហ្មង​ណ៎! ចាំ​ការ​ខ្ញុំ ម្ហូប​ដាក់​តែ​គ្រឿង​ក្លែម​ឱ្យ​ច្រើន និង​ស្រា​ឱ្យ​ច្រើន​​បាន​ហើយ។

      ឆ្លើយតប
      • 3. សេរីបណ្ឌិត  |  ខែ​មីនា 8, 2010 ម៉ោង 11:28 ល្ងាច

        គ្រាន់​តែ​ថា​ផឹក​តើ ! មាន​បាន​ថា​ផឹក​ស្រា​ឯ​ណា !

  • 4. រចនា  |  ខែ​មីនា 9, 2010 ម៉ោង 9:02 ព្រឹក

    ហាហាហា! បង​ចាន់​ចេះ​គិត​ពី​រឿង​រៀបការ​អី​ណា​ៗ! កិកិកិ! និយាយ​ពី​ប្រកាស​នេះ មើល​ចំណង​ជើង​ដំបូង​ខំ​តា​ភ័យ ស្មាន​តា​បង​សៀវអេង​ការ! 😛

    ឆ្លើយតប
  • 5. nimol  |  ខែ​មីនា 9, 2010 ម៉ោង 11:05 ព្រឹក

    ប្អូន​ជីដូន​មួយ​ក្រមុំ​ឆ្អាតៗ​ដល់​ហើយ! 🙂

    ឆ្លើយតប
  • 6. សុផានី  |  ខែ​មីនា 10, 2010 ម៉ោង 3:29 ល្ងាច

    បានឃើញអត្ថបទបង ទើបនឹកឃើញថា ខ្ញុំក៏ទើបតែមានប្អូនជីដូនមួយ​រៀបការដែរ ហើយនាងក៏ទើបតែមានអាយុមិនដល់ ១៦​ ឆ្នាំដែរ តែជា​ក្មេងស្លូតស្តាប់បង្គាប់គួបផ្សំនិងជីវភាពគ្រួសារមិនសូវអំណោយផលផង​ក៏ព្រមតាមការរៀបចំរបស់ចាស់ៗទៅ។​ ពិតជាអាណិតនាងណាស់ នៅក្មេងមិនទាន់ដឹងអីផងក៏ត្រូវរៀបការ ឯខ្ញុំក៏គ្មានអី្វអាចជួយនាងបាន គឺមានតែជូនពរដល់នាងប៉ុណ្ណោះ។

    ឆ្លើយតប
    • 7. ចាន់ផល  |  ខែ​មីនា 11, 2010 ម៉ោង 2:08 ល្ងាច

      ជីវិតមនុស្ស​មិនមែន​កំណត់​ដោយ​ខ្លួនឯង​ ហើយ​ប្រហែល​ជា​គូសចារ​ដោយ​កម្មពៀរ… ពេល​ខ្លះ​ខ្ញុំ​លែង​ចង់​គិត​វិភាគ​ច្រើន និង​យល់​ថា​មនុស្ស​អាច​ត្រឹម​ខំរស់​តាម​វាសនា​​ឱ្យ​បាន​​ល្អ​បំផុត​ប៉ុណ្ណោះ កុំ​ចង់​បាន​អ្វី​ដែល​មិនមែន​ជា​របស់​ខ្លួន​ និង​​ត្រូវ​ទទួល​យក​ជីវិត​របស់​ខ្លួន​​ដោយ​សប្បាយ​ចិត្ត។

      ឆ្លើយតប
  • 8. Navy  |  ខែ​មីនា 12, 2010 ម៉ោង 12:09 ព្រឹក

    Pretty nice wedding, and she’s pretty and young. It made me miss my old time though….

    ឆ្លើយតប
  • 9. Kim long  |  ខែ​មីនា 12, 2010 ម៉ោង 3:04 ល្ងាច

    សរសេរដូចប្រលោមលោកចឹង !! អានកាន់តែយូរ កាន់តែលង់សំដីបងហើយ !! 🙂

    ឆ្លើយតប
  • 10. បញ្ញា  |  ខែ​មីនា 12, 2010 ម៉ោង 8:20 ល្ងាច

    ផ្ដាំជូនពរតាមបង ពីខ្ញុំផង!!! 😀

    ឆ្លើយតប

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

Trackback this post  |  Subscribe to the comments via RSS Feed


កម្ពុជា-CAMBODIA

ប្រកាសថ្មីៗ

ចំណាត់ក្រុម

ស្នាដៃ

Top Clicks

Blog Stats

  • 178,391 hits
Visit Cute-Spot.com!

%d bloggers like this: