Posts filed under ‘កំណាព្យ’

កំណាព្យខ្ញុំ

 នៅទីនេះ! My Poem

ទាំងនេះគឺជាអនុស្សាវរីយ៍របស់ខ្ញុំក្នុងកំណាព្យខ្មែរ។ ខ្ញុំមើលឃើញពណ៌ស្រាលៗនៃកំណាព្យដែលខ្ញុំសរសេរ ហើយដឹងថាខ្លួនឯងមិនសូវមានទេពកោសល្យខាងតែងកំណាព្យទេ ប៉ុន្តែខ្ញុំស្រលាញ់កំណាព្យ ហើយខ្ញុំសង្ឃឹមថា ខ្ញុំនឹងបានអានកំណាព្យដ៏ល្អៗ របស់អ្នកមានទេពកោសល្យកំណាព្យពិតប្រាកដ។

ខែធ្នូ 27, 2009 at 4:19 ល្ងាច មតិ 10

ភ្លៀងធ្លាក់ក្នុងកុមារភាព

Untitled-1

ភ្លៀងធ្លាក់ក្នុងកុមារភាព

បទពាក្យ​៧

 

ថ្ងៃបាក់រសៀលលាកម្ដៅ

ពពកពណ៌ខ្មៅមីររសាត់

ព្រះពាយមិនស្ងៀមប្រឹងផាយផាត់

ធម្មជាតិលែងស្ងាត់ផ្ដើមតន្រ្តី។

 

វស្សានរដូវមេឃភ្លៀងធំ

រុក្ខារលំដេកដួលដី

ផ្គរស្រែកគំរាមប្រាប់ព្រឹកព្រៃ

រន្ទះវឹងវៃជ្រែកអាកាស។

 

ភ្លឺផ្លេកបន្ទោរជះភ្លែតៗ

រង្សីក្រឡែតភ្លឺត្រចះ

មិត្តភក្តិស្រែកហៅពីក្រៅផ្ទះ

រួសរាន់រូតរះរត់ចូលភ្លៀង។

 

រូបកាយទទេគ្មានជំពាក់

តំណក់ទឹកធ្លាក់សព្វសព៌ាង្គ

គង្គាបរិសុទ្ធឥតល្អក់ល្អៀង

ប្រៀបដូចចង់លាងភពលោកា។

 

សរសៃទឹកភ្លៀងធ្លាក់ពីមេឃ

តើនៅលើមេឃល្អយ៉ាងណា?

មានពពកសមានទឹកថ្លា

មានទេវតាមានឥន្ទ្រព្រហ្ម។

 

ភ្លៀងធ្លាក់រណ្ដំដូចចម្រៀង

កង្កែបហ៊ីងច្រៀងលាន់រងំ

គ្រួសារទាំងមូលនៅជួបជុំ

ដណ្ដប់ផាហ៊ុមឱ្យរូបខ្ញុំ។

 

ទឹកភ្លៀងត្រជាក់សែនកក់ក្ដៅ

យាយតាកូនចៅពូមីងអ៊ំ

គ្រួសារធ្លាប់តូចប្រែជាធំ

រស់សុខដុមក្នុងពេលភ្លៀង៕

 

តែងនៅថ្ងៃទី​១០​មេសា​២០០៨

សុខ​ចាន់ផល

ខែកញ្ញា 3, 2009 at 10:30 ព្រឹក មតិ 10


កម្ពុជា-CAMBODIA

ប្រកាសថ្មីៗ

ចំណាត់ក្រុម

ស្នាដៃ

Blog Stats

  • 147,949 hits
Visit Cute-Spot.com!

តាមដាន

Get every new post delivered to your Inbox.

Join 147 other followers